DEGUSTACIÓN MENÚ EXIPCIO

 Este venres 27 de febreiro tivemos un dos nosos menús especiais enmarcados no noso PDI. Tocoulle o turno a Exipto e os pratos cos que nos deleitaron foron: de primeiro hummus e de segundo un saboroso arroz mashi. Coma sempre as colaboradoras coas tarefas do comedor apareceron co seu toque especial para a ocasión co que sempre conseguen darlle máis importancia e resaltar o menú dos días especiais. Moitas grazas polo voso gran de area! Aquí vos queda unha presentación con algunhas fotos.

DÍA DA PAZ 2023

 Para celebrar o Día da Paz, os alumnos de sexto, que están a investigar sobre Xapón, dentro do PDI, van ler o libro "Sadako e as mil grullas de papel". Realizarán a lectura, e unha vez feita visionarán vídeos sobre a mesma e farán un obradoiro de papiroflexia para aprender a facer unha grúa de papel. Despois invitarán aos seus compañeiros de quinto a coñecer esta historia presentándolles o libro para que o coñezan e tamén o poidan ler. Na seguinte presentación pódense ver os vídeos sobre a historia e algún tutorial para a realización das grúas.

LEOCLUB 5º

 

MOMIA LUMINOSA

 Na clase de proxecto competencial, os alumnos de primeiro realizaron un sinxelo circuíto eléctrico cun adhesivo conductor, unha pila que é o xenerador e dous díodos que ao iluminarse forman parte dos ollos dunha momia que xa aprendimos que son características do Antigo Exipto, país que estamos a traballar dentro do PDI deste ano. Fixémola por grupos e aquí podedes ver o resultado final dun dos grupos. 

MOCHILAS VIAXEIRAS EN MARCHA!

 Esta semana puxemos en marcha as mochilas e bolsas viaxeiras en todas as aulas de infantil e primaria. En infantil, primeiro e segundo levaron as mochilas, mentres que as bolsas destináronse para as clases de terceiro a sexto. Dentro ían cheas de diferentes materiais: lecturas en galego, castelán e inglés, revistas, cómics, poesías, un título para familias e un xogo de mesa. Tamén se inclúe un caderno no que os usuarios  (tanto alumnos como familias) que o desexen poidan deixar unha reflexión ou suxestión acerca da experiencia, a través de debuxos, textos, fotografías, etc... Todos os luns farase o intercambio para que todos a poidades desfrutar. Esperamos que sexa do voso agrado e que pasedes momentos moi agradables en familia. Na seguinte presentación podedes ver algunhas fotiños.

ACTIVIDADES SOBRE ITALIA

 Os nenos e nenas de sexto de infantil seguen a traballar moito sobre Italia para aprender moitas cousas e ensinarllas a Leo, a nosa mascota da biblioteca. Na seguinte presentacón podedes ver as últimas que levaron a cabo: costruiron a Torre de Pisa con plastilina, simularon a Fontana di Trevi con lanzamento de moedas incluído e fixeron unha degustación de queixos típicos de Italia. Non deixedes de ver as fotos.

Terceira reunión LeoClub 3º e 4º

 O mércores 11 de xaneiro tivo lugar o terceiro encontro do LeoClub do grupo de terceiro e cuarto na biblioteca. Nesta reunión xa todos traían rematado o último libro que acordaron ler: "El Superzorro"  de Roald Dalh do que falaron un bo anaco. A continuación entre todos acordaron o seguinte título e desta vez tocoulle a Ledicia Costas de novo co título "Vampira de biblioteca" que xa leran os seus compañeiros e do que tan ben lles falaron. De seguro que neste grupo tamén vai ser un éxito! Por certo, temos un membro máis no grupo que se animou a formar parte desta linda aventura como é a lectura. Estamos encantados de que esta familia medre!.  Na seguinte presentación podedes ver algunhas fotos da sesión.

Novidades de xaneiro

 Aquí podedes ver as novidades que xa están a vosa disposición na nosa biblioteca. Seguro que atopades moitas cousas do voso agrado.

NOVA SESIÓN DO LEOCLUB DE 6º

 

VISITA DE PAPA NOEL 2022