Recomendacións lectoras verán 2026

 Chegamos ao final da función. O noso circo parte rumbo ás vacacións de verán e para que sexan moi felices e proveitosas, deixámosvos unhas recomendacións lectoras para que levedes nas maletas. Esperamos que sexan do voso interese e que pasedes moitos ratos felices rodeados de lecturas innolvidables. Vémonos á volta! Bo verán a todos e todas!

Despedida dos auxiliares da biblioteca

 Ao longo de todo o curso contamos durante os recreos coa marabillosa axuda dun grupiño especial de sexto que se encargaron de poñer orde nas estanterías da biblioteca. Entre as súas tarefas estaban colocar os libros devoltos dos préstamos realizados, así como facer en Koha o préstamo e a devolución dos compañeiros que o desexaban. Tamén unha vez rematado o recreo vixiaban que todo quedase ordenado e recollido. 

Moitas grazas rapaces e rapazas por ser parte da maxia da biblioteca. O voso labor é fundamental para o bo funcionamento da biblioteca.

Hoxe como recoñecemento ao seu traballo recibiron un agasallo que desexamos sexa o comezo de novas aventuras. Nunca deixedes de ler!

Abracadabra, MAXIA!

Sorrisos de sorpresa, ollos ben abertos e moitos aplausos acompañaron a visita do Mago Albert, que nos regalou un espectáculo cheo de ilusión e diversión. A mellor forma de poñer punto e final ao noso PDI sobre o circo
Un agradecemento moi especial á nosa ANPA, por facer posible momentos tan especiais como este, sempre disposta a colaborar.
Porque ás veces, a mellor aprendizaxe tamén leva un pouco de maxia.

Nova sesión de contacontos con Sabela Gago

 Este luns volvemos contar con Sabela Gago, por cortesía de SM que deleitou ao alumnado de infantil, primeiro e segundo de primaria con dous pases do máis divertidos. Grazas por estas sesións máxicas.

Revista escolar: O soño de Benposta

Xa está dispoñible un novo número da nosa revista escolar, O soño de Benposta, unha publicación que recolle o traballo, a creatividade e a ilusión de todo o alumnado do CEIP Plurilingüe de Seixalbo durante o curso 2025-2026. Nesta edición mergullámonos na fascinante historia de Benposta e do seu lendario Circo dos Muchachos, un proxecto nacido en Ourense que levou valores como a liberdade, a solidariedade e a imaxinación por todo o mundo. Ao longo das súas páxinas atoparedes investigacións históricas, entrevistas, contos, poemas, ilustracións, música, actividades e moitas outras achegas elaboradas por alumnado de diferentes cursos. Unha viaxe polo universo do circo e polo legado dunha experiencia única que forma parte da nosa memoria colectiva. Convidámosvos a desfrutar desta lectura e a descubrir, páxina a páxina, a maxia de Benposta a través dos ollos dos nosos nenos e nenas. Que comece a función!

Canción Carpa de Luna

 Este ano como parte do PDI "Seixalbo Circus", nas clases de música aprendemos a canción Carpa de Luna, do compositor Tomás Alfonso Martínez (Cuco), un dos Muchacho de Benposta que tocaba a guitarra e compoñia cancións ademáis de ser acróbata. A gravación da canción foi realizada polos nenos do coro e os debuxos que acompañan o vídeo por moitos nenos e nenas do cole.

Contacontos con Sabela Gago

Hoxe Sabela Gago visitou a nosa biblioteca para pasar un ratiño do máis divertido cos nenos e nenas de infantil. As súas historias contadas dende o corazón e con tanta emoción fixeron que o público estivese do máis atento e o pasara xenial. Grazas Sabela pola túa maxia e por ser para nós unha fada con miles de historias gardadas nos petos.

Conto musical. O despertar de Benposta

Actividade musical enmarcada no PDI "Seixalbo Circus".

"O despertar de Benposta" conta cómo a antiga maxia de Benposta, a "Cidade dos Muchachos" , revive grazas a ilusión, a música e ao circo. Na biblioteca  de Seixalbo, Leo, a mascota e Botón descobren que Benposta está triste  e esquecida. Todo cambia coa chegada de Taconilla, a filla do pallaso Taconillo, que aparece no seu monociclo levando esperanza e alegría. Nenos e nenas marchan cara a Benposta para reconstruír o Circo dos Muchachos. A través das cancións, o baile e as ensinanzas de Taconilla, o lugar vai recuperando a vida.

Hoxe gozamos e participamos deste conto musical cantado polos nenos e nenas do coro do cole de Seixalbo.Como broche final, todos xuntos cantamos " Carpa de Luna", canción que cantaban os Muchachos ao tempo que montaban e desmontaban a súa carpa.

Pasámolo moi ben!!

Noraboa a todos os artistas polo seu traballo e esforzo ao longo do curso.

Grazas a tod@s os que fixestes posible esta actividade.

Visita a Benposta

Hai uns días,  o alumnado de 3º B visitou as instalacións de Benposta para coñecer de primera man todo o que aprenderon na aula sobre esa cidade gobernada por rapaces. Tony Martínez, quen viaxou en tempos co Circo dos Muchachos, acompañounos durante a visita. Estiveron no Fiadeiro, local de reunión no que se conservan carteis, o retrato do Padre Silva e incluso a súa moto Montesa. Visitaron o ximnaxio, e como non a carpa. Foi moi emocionante poder experimentar e coñecer a cidade da que tanto falamos nas clases para traballar o noso PDI "Seixalbo Circus". Grazas Tony pola túa amabilidade!!