Un ano máis a Concellería de Educación de Ourense promoveu a actividade que leva por título "Encontros co autor". Este ano a obra elixida para ser desfrutada polos nenos e nenas de 5º de primaria foi "A folla azul" de Andrea Maceiras.
O libro A folla azul relata a historia dun mundo verde así como o fogar de moitas tribos indíxenas que viviron alí desde o inicio dos tempos. Relata a historia de Husu Aké, membro da tribo dos Tacaré, filla da Nai Terra e habitante do mundo verde.
Foi un pracer contar coa presenza de Andrea Maceiras na biblioteca do cole coa que desfrutamos e aprendimos moito. Moitas grazas Andrea!
