A rapazada de tres anos é moi observadora e o día que foron facer o préstamo á biblioteca preguntáronse qué facían uns chalecos reflectantes na casa de Leo. Estiveron debatendo e falando de que eses chalecos os usaban algúns traballadores coma os xardineiros, policías, as monitoras dos autobuses, etc... pero non entendían qué facían nunha biblioteca. A resposta déronlla as propias usuarios dos chalecos: dúas rapazas de sexto que lles explicaron que eran axudantes da biblioteca e que o seu traballo consistía en manter ordenada a biblioteca, colocar nos andeis os libros que se devolvían, axudar aos nenos e nenas que o precisasen, etc... Amosáronlles os seus carnets de colaboradores e deixaron que os probasen. Que importantes se sentiron! Agora xa saben para que serven eses chalecos e que hai nenos maiores que axudan na biblioteca!
