Infinitas posibilidades na biblioteca!

Fai pouco máis dun mes que inauguramos a nova biblioteca e estamos a desfrutar con todo o que nos ofrece ademais dos libros que estabamos desexando levar en préstamo. Os máis pequenos do cole xogan cos diferentes xogos e nos recreos a actividade non cesa. O último en chegar á biblioteca foron uns disfraces que colgan dun burro que nos deoxou a profe María antes de marchar. Grazas pola achega, sacarémoslle moito proveito!

                              

Exposición "As mulleres que nos levaron á lúa"

 Chegou ao noso cole a exposición "As Mulleres que nos levaron a lúa" 🌝🌙🌛🌕 (Experimenta en feminino, Universidade de Vigo) para complementar a actividade realizada con motivo do 8M e promovida polo Equipo de Convivencia do centro. Esta mostra destaca a traxectoria de enxeñeiras, matemáticas, físicas e informáticas que contribuíron de xeito crucial á chegada do ser humano á Lúa. 🚀🌛🌝🎆

Consta de 1️⃣2️⃣ paneis que recollen as biografías e logros de figuras como Annie Easley, Jeanne Lee Crews, Mary Sherman, Galina Balashova e Christine Darden, entre outras. Estas mulleres encargáronse de tarefas esenciais como os cálculos de traxectoria, a programación dos ordenadores e mesmo da alimentación dos astronautas. 👩‍🚀👩‍🚀

A súa finalidade é servir de inspiración ás novas xeracións e fomentar as vocacións científicas e tecnolóxicas entre as mulleres, rompendo estereotipos de xénero e aumentando a representación feminina no ámbito STEM (Ciencia, Tecnoloxía, Enxeñería e Matemáticas). 🔢➕➖➗🧮
Estará con nós ata o 4 de abril!

Día da muller: "Mulleres que nos levaron á lúa".

Dende o equipo de Dinamización de Convivencia convidaron a todo o alumnado a investigar sobre as mulleres que nos levaron á lúa como parte do traballo levado a cabo no PDI deste curso.

Alumnas e alumnos das difentes aulas, achegáronse a RadioLeo a falarnos un pouco sobre a intesante vida destas mulleres que fixeron historia.

Moi atent@s!!!

A finais deste mes de Marzo, recibiremos no noso centro dunha exposición temporal cedida pola Universidade de Vigo (eXXperimenta en feminino) sobre as mulleres que nos levaron á lúa. Trátase de 12 roll-ups que nos permitirán coñecelas máis a fondo.

Polo de pronto, o noso alumnado xa estivo traballando arredor da súa vida e velaquí tedes o resultado...

E como non, na nosa biblioteca temos unha pequena escolama de libros relaiconados con este te,a para todos os usuarios que o desexen .