Aquí vos deixamos os pareados que escribistes na actividade "Toc toc, quen está rimando?" con motivo do día da poesía. Non deixedes de lelos, están xenial! Moitas grazas pola vosa participación. Leo non se olvida do pequeno agasallo que vos prometeu. Nuns días volo levará a clase, así como tamén un libriño no que se recollen todos os vosos pareados. Esperamos que vos guste.
Páxinas
- Inicio
- PDI 22-23 "Recordos na maleta"
- PDI 23-24 "Tic Tac... animais desaparecendo"
- Curso 21-22
- Curso 22-23
- Curso 23-24
- Día da Biblioteca
- Día da Muller
- Día da Poesía
- Día do libro
- Club de Lectura Leoclub
- Samaín
- Nadal
- Formación de usuarios
- Biblioteca Familias
- Lecturas Plan Lector 23-24
- As nosas coleccións
martes, 29 de marzo de 2022
xoves, 24 de marzo de 2022
Visita de Xavier Dominguez
Foi un luxazo contar no noso cole coa visita de Xavier Domínguez creador de títulos como a colección de "Naturizo" ou "Fronteiras de papel". As súas mensaxes non deixan a ninguén indiferente. Pois os nenos e nenas de terceiro tiveron o pracer de contar coa súa presenza xa que están a traballar o seu libro "Fronteiras de papel" que reflicte unha historia tan dolorosa coma real. Coñecer ao seu autor e realizar diferentes actvidades foi a mellor das experiencias que podían vivir despois do traballo na aula. Grazas Xavier pola túa visita. Foi impresionante!
martes, 15 de marzo de 2022
DÍA DA POESÍA
TOC, TOC QUEN ESTÁ RIMANDO?
Hoxe 21 de marzo hai varias celebracións marcadas no calendario: a chegada da primavera, o día internacional da cor, a síndrome de Down, o Día da Poesía.,... Dende a biblioteca de Seixalbo queremos resaltar esta última e por iso Leo vos invita a participar na elaboración dun poema entre todos. Os primeiros versos xa os escribiron Leo e algunhas profes, vós só tedes que continuar....
Como facelo?
- Pinchade na imaxe e abrirase unha páxina na que teredes que escribir o voso nome e curso e máis abaixo, ao final de todo escribiredes os vosos versos nos que fagades unha rima co voso nome. Ten que ser en galego! Mirade os exemplos que xa están escritos para facervos unha idea. Podedes pedir axuda na casiña!
Que pasa despois?
- Nuns días expoñerémolos todos na biblioteca para que os vexades.
- Só por participar Leo daravos unha pequena sorpresiña.
ANIMÁDEVOS!
OS POEMAS QUE ESCOITASTES NA CLASE!! E FOTOS DESES MOMENTOS
Expositor con libros de poesías |
mércores, 9 de marzo de 2022
CONTACONTOS O RATIÑO PRESUMIDO
Con motivo do Día da Muller os nenos e nenas de 1º e 2º de primaria desfrutaron dun contacontos moi divertido, titulábase "O Ratiño presumido" no que se trataban os roles de xénero e co que se fomenta a igualdade de xénero. Pasárono xenial!
luns, 7 de marzo de 2022
8 DE MARZO, DÍA INTERNACIONAL DA MULLER
Entre todas as clases e en colaboración co Equipo de Convivencia realizamos un bonito mural no que elaboramos un arco da vella dentro do noso proxecto "Alucinando cores". En cada unha das cores pegamos adxectivos cualificativos referidos ás mulleres. Relacionada con esa actividade fixéronse moitas máis actividades. Mirade as fotos para comprobalo! Tamén vos deixamos aquí o vídeo dun conto no que se recolle a importancia de afrontar o mundo das cores desde unha perspectiva de xénero diferente á norma establecida.
Aah! e xa temos o noso expositor con libros relacionados con esta data para que os teñades localizados e os poidades ler.
Expositor de libros sobre a muller |
domingo, 6 de marzo de 2022
A mascota Leo divírtese no cole
A nosa mascota Leo viviu unhas semanas moi intensas e divertidas. Andivo de visita nas distintas aulas dos nos@s alumn@s, chegou a disfrazarse, seguindo os mandadiños do meco para o entroido e, mesmo marchou no pasarrúas por Seixalbo...Ollade as imaxes e veredes que ben o pasamos todos xuntos!
Participou no xogo de tiralas olas cos nen@s de quinto de infantil. |
Na clase de sexto de infantil disfrutou na hora de ler. |
Estivo lendo no patio. |
E tamén aproveitou momentos de xogo no patio. |
venres, 4 de marzo de 2022
As revistas e xornais protagonistas
Hoxe decidimos que os últimos números que vaian chegando das revistas e xornais aos que estamos subscritos estean expostos na entrada da biblioteca para que se vexan ben e non pasen desapercibidos. Así os máis despistados se decatan mellor da súa chegada!
xoves, 3 de marzo de 2022
Xornada de portas abertas na biblioteca
Hoxe a nosa biblioteca acolleu ás familias que pode que nun futuro sexan parte da nosa comunidade educativa. Celebramos unha xornada de portas abertas e para recibilas a biblioteca pareceunos o mellor dos lugares. Alí lles expliacamos as nosas liñas prioritarias, proxectos, organización etc e Leo, a nosa mascota, presente tamén, agasallou a cada neno cun simpático nariz de diferentes cores. Grazas familias por vir a coñecernos!
Chegou o entroido "Alucinando cores"!
Despois de semanas traballando nos disfraces ao tempo que obedecíamos os mandadiños do meco e Leo visitaba as nosas aulas, por fin chegou o gran día! E así este ano o entroido xirou en torno ao noso proxecto "Alucinando cores", polo que cada curso elixiu un artista, xa que son os que mellor manexan as cores e con elas crean aunténticas obras de arte. Unha vez elixido o artista, puxémonos mans á obra e creamos auténticas marabillas. Fixádevos que disfraces tan orixinais! e como non podía ser doutra forma percorremos a localidade de Seixalbo nun desfile amenizado coa música da charanga BREXIT. Familas e veciños acompañáronnos neste día tan especial e colorido.
AQUÍ TODAS AS FOTOS DO ENTROIDO
Ata Leo,a nosa mascota se sumou á festa! |
Frida Khalo |
Modrian |
Os Xirasoles de Van Gogh |
As Meninas de Velázquez |
Os pintores de Infantil |
Roy Lichtenstein |
"O ouro do azul" de Miró |